ទទួលទានមើលខ្ទឹមស2ទៅ3កំពិសរាល់ថ្ងៃជួយឱ្យមានសុខភាពល្អ

ដោយសារសមាសធាតុប្រឆាំងវីរុស និងបាក់តេរីរបស់វា នាំឱ្យមើមខ្ទឹមសក្លាយជាប្រភេទគ្រឿងផ្សំមួយដែលផ្តល់អត្ថ ប្រយោជន៍ដល់សុខភាពរបស់អ្នកនិយមប្រើប្រាស់ក្នុងរបបអាហារ ប្រចាំថ្ងៃ ។ យោងតាមក្រុមអ្នកជំនាញពិសាខ្ទឹមស២ទៅ៣កំពិសរាល់ថ្ងៃជួយ បង្កើនកម្លាំងរាងកាយប្រឆាំងនឹងជំងឺ ហើយធ្វើឱ្យអ្នកស្រស់ស្រាយ និងមានសុខភាពល្អ ។ ក្នុងករណីខ្លះ ឱសថដែលផលិតពីខ្ទឹមសអាចយកទៅប្រើប្រាស់បាន ដោយមានវេជ្ជបញ្ជាត្រឹមត្រូវពីគ្រូពេទ្យ ។ ទោះជាយ៉ាងណាក្តី វិធីទទួលទានមើមខ្ទឹមសគឺងាយស្រួលបំផុត ដោយយើងគ្រាន់តែប្រើវាធ្វើជាគ្រឿងផ្សំរសជាតិនៅក្នុងអាហារ ។

១-ប្រើក្នុងសម្លស៊ុប ៖
សម្ល ស៊ុបអាចចាត់ទុកជាថ្នាំសម្រួលដល់ការដកដណ្តើមដ៏ស័ក្តិសិទ្ធិ ជាពិសេសនៅពេលមានជំងឺផ្តាសាយ ព្រមទាំងកម្តៅដល់រាងកាយទៀតផង ។ នៅក្នុងទឹកស៊ុបបន្លែ ឬទឹកស៊ុបមាន់ អ្នកអាចបង់ខ្ទឹមស ដើម្បីបន្ថែមរសជាតិក៏ដូចជាដើម្បីទទួលបានប្រសិទ្ធភាពសម្លាប់ មេរោគរបស់វា ។

២-យកទៅធ្វើជាភេសជ្ជៈដើម្បីទទួលទាន ៖
ក្លិន មើមខ្ទឹមសពេលនៅឆៅពិតជាធ្វើឱ្យមនុស្សមួយចំនួនពិបាកទ្រាំ ប៉ុន្តែនៅពេលយកវាទៅប្រើជាគ្រឿងផ្សំ រសជាតិ និងក្លិនរបស់វាធ្វើជាភេសជ្ជៈដោយខ្លួនឯងបាន ។ វិធីធ្វើគឺយកខ្ទះធំបន្តិច រួចចាក់ទឹកចូល៣ពែង ហើយបង់ខ្ទឹមស៥ទៅ៦កំពិស ។ ដាក់ស្ងោរឱ្យពុះដោយគ្របគម្របឆ្នាំងឱ្យជិតការពារកុំឱ្យ ក្លិនខ្ទឹមសាយចេញ ។ ក្រោយពីពុះរួច ត្រូវបន្ថយភ្លើងឱ្យនៅតិចបំផុត រួចច្របាច់ក្រូចឆ្មារមួយផ្លែ និងទឹកឃ្មុំចំណុះ១០មិល្លីលីត្រចូល ហើយកូរឱ្យបានសព្វ ។ ចាក់ចូលពែងរួចក្រេបបណ្តើរ ស្រូបហិតក្លិនវាបណ្តើរ ៕

អត្ថបទ ៖ ស្រីណា កោះ

ប្រភពពី កោះសន្តិភាព

Discussion

Photography

Wednesday, May 29, 2013