គូស្នេហ៍ភេទដូចគ្នារវាងចន ដាប៊ី (ស្តាំ) និងជេក ប៊ើត បានរួមរស់នឹងគ្នា៥០ឆ្នាំមកហើយ។
គូស្នេហ៍ភេទដូចគ្នានេះបានរួមរស់លើមាគ៌ាជីវិតតែមួយតាំងពី ឆ្នាំ១៩៥៩មក ដោយវាជាសម្ព័ន្ធភាពមួយមានលក្ខណៈសម្ងាត់គេគ្រាន់តែដឹងថា ទំនាក់ទំនងរបស់ពួកគេគ្រាន់តែជាមិត្តភាពប៉ុណ្ណោះ។ បច្ចុប្បន្ននេះចន ដាប៊ី និងជេក ប៊ើតបានដើរកៀកដៃគ្នាដោយបើកជំហ ពេលខ្លះពួកគេថើបគ្នានិងពោលពាក្យផ្អែមល្ហែមដូចជាគូស្នេហ៍មានភេទ ផ្ទុយគ្នាដែរ។
ជេក ប៊ើតវ័យ៨៤ឆ្នាំបានប្រាប់សារព័ត៌មានAFPថា៖«វាជារឿងសង្គមមួយ ដែលពួកយើងបានរស់នៅ។ ខ្ញុំបានស្វែងយល់ថាខ្លួនបានក្លាយជាមនុស្សស្រឡាញ់ភេទដូចគ្នា តែខ្ញុំបានលាក់កំបាំងវាជាហូរហែមក»។
ចំណែកចន ដាប៊ីមានវ័យ៨៦ឆ្នាំ។ ពួកគេនឹងប្រារព្ធពិធីខួបទី៥៤នៃអនុស្សាវរីយ៍ជីវិតជាគូស្នេហ៍ ពួកគេនៅខែកក្កដាខាងមុខនេះនិងវាជាពិធីខួបនៃអាពាហ៍ពិពាហ៍លើកទី ៥របស់ពួកគេនៅពីរខែក្រោយទៀតផងដែរ។
ចន ដាប៊ីថា៖«ខ្ញុំនឹងចងចាំឱកាសនោះ។ វាជាថ្ងៃមង្គលការដ៏អស្ចារ្យមួយសម្រាប់ជីវិតពួកយើង ដែលវាមានលក្ខណៈច្រើនហួសពីការរួមភេទទៅទៀត។ ពោលគឺវាជាក្តីស្នេហ៍ពិតប្រាកដមួយ»។ ចន ដាប៊ីបន្តថា៖«វានឹងក្លាយជាស្នេហ៍ពិតប្រសិនបើយើងអាចស្លាប់ បញ្ជាក់ពីវាបាននោះ។ យើងនឹងដេកស្លាប់លើដៃគ្នាដើម្បីបញ្ជាក់ពីភក្តីភាពពួកយើងដល់ សាច់ញាតិឲ្យបានដឹង»។
ដំបូងឡើយម្តាយមីងរបស់ដាប៊ី បានធ្វើការបំបែកបំបាក់សម្ព័ន្ធភាពនេះដែរ ដោយចង់ឲ្យពួកគេមានអនាគតនិងជំនាញច្បាស់លាស់ តែពួកគេនៅតែបន្តវាដូចមុនមិនប្រេះស្រាំឡើយ។ លុះពីរឆ្នាំក្រោយមកពួកគេបានទិញផ្ទះមួយដើម្បីរួមរស់ជាមួយគ្នា ដោយសារតែការស្នាក់ជាមួយម្តាយមីងមិនសូវជាមានសុភមង្គលនិងរង សម្ពាធច្រើន។
ដាប៊ីបន្តថា៖«ពីមុនយើងមិនហ៊ានប្រឈមមុខនឹងសង្គមឡើយតែឥឡូវ នេះព្រះអ្ហើយ!យើងកៀកកិតគ្នាតែញយនឹង!»។ ទោះអ្នកទាំងពីរជាមនុស្សស្រឡាញ់ភេទដូចគ្នាមែន តែពួកគាត់មានការងារសមរម្យនៅក្នុងសង្គមមិនខុសពីមនុស្សដទៃឡើយ។ ដូចជាចន ដាប៊ី មានមុខរបរជាអ្នកមើលការដឹកជញ្ជូនរបស់ក្រុមហ៊ុនមួយ ខណៈជេក ប៊ើតមានរបរជានាយកអង្គការរឿងក្តីបណ្តឹងសង្គមក្នុងស្រុកមួយ។
ដាប៊ីបន្ថែមថា៖«យើងមិនដែលកាន់ដៃគ្នាមិនដែលថើបគ្នាឬ ធ្វើសញ្ញាដាក់គ្នាដូចមនុស្សសម័យឥឡូវនេះឡើយកាលពីមុន។ ព្រះអ្ហើយ!សព្វថ្ងៃនេះយើងហ៊ានគ្រប់យ៉ាង»។ សហគមន៍ម៉ារីននៅទីក្រុងសាន់ហ្វ្រានស៊ីស្កូក្នុងរដ្ឋកាលីហ្វ័រនីញ៉ា មានគូស្នេហ៍ស្រឡាញ់ភេទដូចគ្នាជាច្រើនបានរង់ចាំការអនុម័តច្បាប់ អាពាហ៍ពិពាហ៍នេះឡើងអស់រយៈពេល៤៩ឆ្នាំ។ លុះដល់ឆ្នាំ២០០៨ទើបពួកគេមានសិទ្ធិរៀបការនៅក្រុង សាន់ហ្វ្រានស៊ីស្កូនេះ។
ដាប៊ីបានពណ៌នាពីពិធីមង្គលការពួកគេថា៖«អ្វីដែលមានភាពចម្លែក គួរឲ្យភ្ញាក់ផ្អើលនោះគឺពីរថ្ងៃក្រោយនៃការរៀបការរបស់ពួកយើង គឺមានស្រ្តីមេម៉ាយជាអ្នកជិតខាងយើងម្នាក់បានយកស្រាសាំប៉ាញដប ធំទៅចងព្យួរនិងមានកាតជូនពរមួយទៀតផង ខណៈពួកយើងធ្លាប់គិតថាគាត់សូម្បីតែពាក្យថាខ្ទើយមិនយល់ផងនោះ»។ ដាប៊ីថា៖«អ្នករស់នៅទីនេះបានរៀបចំកម្មវិធីជប់លៀងពេលល្ងាច ដើម្បីអបអរសាទរពួកយើង។ រួមមានទាំងអ្នកខ្លះមិនដែលធ្លាប់និយាយរកយើងផងនោះ។ តើលោកអ្នកមានក្តីរំពឹងយ៉ាងម៉េចដែរបើបែបនេះកើតឡើងលើខ្លួន?»។
ពេលពួកគេបានរើផ្ទះទៅនៅតំបន់ថៅវើលនាឆ្នាំ១៩៩៨ ពួកគេប្រាប់យើងថាពួកគេមិនអាចរស់នៅក្រោមដំបូលអគារផ្ទះល្វែងតែ មួយជាមួយពួកយើងនិងមិនចង់ឃើញនូវទិដ្ឋភាពនៃការប្រើបន្ទប់ដេកតែ មួយបានឡើយ។ បច្ចុប្បន្ននេះរូបថតពួកគេទាំងពីរត្រូវបានគេផ្សព្វផ្សាយសម្រាប់ អគារថៅវើលទៀតផង។ ពេលមានការចោទសួរថាតើអ្នកជាប្តី ឬ ប្រពន្ធសម្រាប់គូស្នេហ៍ពួកគេនោះ ដាប៊ីបានសើចចំពោះការសួរបែបនេះ។
ដាប៊ីឆ្លើយថា៖«ការសួរមនុស្សប្រុសខ្ទើយថាមួយណាជាប្តីឬ ប្រពន្ធនោះដូចជាការលើកសំណួរលើបញ្ហាចង្កឹះមួយគូដែរ។ យើងគ្រាន់តែរួមរស់ជាមួយគ្នាប៉ុណ្ណោះ។ គ្មានអ្នកណាជាប្តីនិងជាប្រពន្ធឡើយ»៕ប្រភពពី ភ្នំពេញប៉ុស្តិ៍
Facebook
0 Comments:
Post a Comment