តើការគេងថ្ងៃជួយអ្វីខ្លះ សំរាប់សុខភាព?

ការ សិក្សាមួយ ដែលដឹកនាំដោយលោកបណ្ឌិត Androniki Naska និងសហការីមួយចំនួននៃសាកលវិទ្យាល័យវេជ្ជសាស្ត្រ ក្រុងអាតែន ប្រទេសក្រិក សិក្សាលើជនជាតិក្រិចចំនួន ២៣. ៦៨១នាក់ ដែលមានអាយុចាប់ពី ២០ ដល់ ៨៦ឆ្នាំ បានបង្ហាញថា អ្នកដែលបានសម្រាកថ្ងៃមានការប្រឈមនឹងជំងឺបេះដូងតិចជាងមនុស្ស ដែលមិនបានសម្រាកពេលថ្ងៃ។ នៅពេលដំបូង អ្នកចូលរួមទាំងនោះ ត្រូវបានសួរសំណួរមួយចំនួនដូចជា តើពួកគេធ្លាប់គេងថ្ងៃដែរឬទេ? បើធ្លាប់តើរយៈពេលប៉ុន្មាន និងញឹកញាប់ប៉ុណ្ណា? ក្រៅពីនេះ ពួកគេក៏បានប្រាប់កម្រិតហាត់ប្រាណ និងរបបអាហាររបស់ខ្លួនផងដែរ។

រយៈពេល ជាង ៦ឆ្នាំចាប់តាំងពីការសិក្សាចាប់ផ្ដើម មានអ្នកចូលរួមចំនួន ៧៩២នាក់បានស្លាប់បាត់បង់ជីវិត ដោយក្នុងនោះមាន ១៣៣នាក់ស្លាប់ដោយសារជំងឺបេះដូង។ បន្ទាប់មក ក្រុមអ្នកស្រាវជ្រាវបានធ្វើការវិភាគឲ្យដឹងថា ចំពោះអ្នកដែលបានសម្រាកពេលថ្ងៃម្ដងម្កាល ឬសម្រាកជាប្រចាំមានការប្រឈមនឹងជំងឺដែលពាក់ព័ន្ធនឹងបេះដូង ៣៤ភាគរយ តិចជាងមនុស្សធម្មតាដែលមិនបានសម្រាក។ ហើយ ១៣៣នាក់នៃអ្នកស្លាប់ទាំងនោះ មានភាគច្រើនជាអ្នកដែលមិនបានសម្រាកថ្ងៃ។
ការសិក្សាបានរក ឃើញទៀតថា ការសម្រាកថ្ងៃ អាចជួយកាត់បន្ថយស្ត្រេស ដែលជាហេតុធ្វើឲ្យស្ទះសរសៃ និងលំហូរឈាមដើរស្រួល។ ឆ្លងតាមការសិក្សានេះ អាចជាសញ្ញាណល្អ ក្នុងការក្រើនរំលឹកដល់អ្នកដែលមានការងារ ស្រ្តេសច្រើនត្រូវសម្រាកថ្ងៃ ឲ្យបានញឹកញាប់ជៀសវាងការប្រឈម នឹងជំងឺមួយចំនួនដែលបង្កដោយស្ត្រេស និងជំងឺទាក់ទងនឹងបេះដូងជាដើម៕
ប្រែសម្រួល៖ ប្រាក់ ច័ន្ទសីហា
រូបថត៖ បរទេស
ប្រភពពី សប្បាយ

Discussion

Photography

Thursday, May 16, 2013