ចោរចម្លែកយកកង់មកទុកឲ្យម្ចាស់វិញ ហើយសរសេរលិខិតសុំទោសទៀត

រឿងរ៉ាវដ៏គួរឲ្យហួសចិត្ត និងអស់សំណើច មួយបានកើតឡើង ដោយសារចោរចិត្តធម៌ម្នាក់បានយកកង់ដែលខ្លួនលួចមកទុកឲ្យម្ចាស់ ដើមវិញ អមដោយលិខិតសុំទោស និងគូប៉ុងញ៉ាំអាហារជាការលួងចិត្ត។

កង់ដែលចោរយកទុកឲ្យម្ចាស់ដើមវិញ និងសំបុត្រដែលភ្ជាប់មកជាមួយ

ក្រោយ ចោរយកកង់មកទុកវិញ ម្ចាស់ដើមបានថតរូបកង់ លិខិតសុំទោស និងគូប៉ុងដែលចោរភ្ជាប់មកជាមួយបង្ហោះក្នុងគេហទំព័រកម្សាន្ត Reddit ដោយសរសេរថា “បីថ្ងៃមុន កង់របស់ខ្ញុំត្រូវចោរលួច។ នៅព្រឹកនេះខ្ញុំភ្ញាក់ឡើងក៏ឃើញកង់របស់ខ្ញុំចតនៅមុខទីធ្លា ផ្ទះវិញ អមដោយលិខិតនេះ… តើវាមិនមែនជារឿងដ៏ឆ្កួតមួយទេឬ?”។

បន្ទាប់ពីបង្ហោះបានបន្តិច មានមនុស្សជាច្រើនបានចូលរួមបញ្ចេញមតិយ៉ាងផុលផុសផ្អើលអ៊ីនធឺណិត។ លិខិតដែលចោរសរសេរសុំទោសនោះរៀបរាប់ដូច្នេះថា ៖

មកដល់ម្ចាស់កង់

កាល ពីថ្ងៃសៅរ៍ ទី២០ មេសា ខ្ញុំបានបញ្ចប់ការសិក្សាពីមហាវិទ្យាល័យ និងស្រវឹងជាខ្លាំង។ ចេញពីបាមកវិញ វាយប់ជ្រៅណាស់ទៅហើយ ដូច្នេះគឺគ្មានរថយន្តក្រុងនោះទេ ហើយខ្ញុំក៏ដាច់យ៉ៃគ្មានលុយជិះតាក់ស៊ីដែរ។ អីចឹងហើយ ទើបខ្ញុំសម្រេចចិត្តខ្ចីកង់របស់អ្នកដោយមិនបានប្រាប់ដល់អ្នក ជាមុន។ បើតាមការចងចាំរបស់ខ្ញុំ កង់របស់អ្នកជិះស្រួលខ្លាំងណាស់។ ទោះជាយ៉ាងណា ខ្ញុំពិតជាសុំទោសដែលមិនបានសុំខ្ចីកង់ពីអ្នក ដូច្នេះដើម្បីជាការប៉ះប៉ូវខ្ញុំសូមភ្ជាប់ជាមួយគូប៉ុងញ៉ាំនំខេក Laca ដោយឥតគិតថ្លៃនៅភោជនីយដ្ឋាន Domino’s នេះចុះ។

ដោយគោរព

ពីចោរលួចកង់

ប្រភពមិនបានបញ្ជាក់ ពីអត្តសញ្ញាណម្ចាស់កង់ និងទីកន្លែងដែលហេតុការណ៍នេះកើតឡើងឡើយ។

សំបុត្រដែលចោរសរសេរសុំទោសម្ចាស់កង់

គូប៉ុងអាហារដែលចោរភ្ជាប់មកឲ្យម្ចាស់កង់ដើម្បីជាការប៉ះប៉ូវ

តើមិត្តអ្នកអានយល់ថា នេះជារឿងគួរឲ្យអស់សំណើចទេ?

ប្រែសម្រួល៖ Zac
ប្រភព៖ Huffingtonpost សប្បាយ

Discussion

Photography

Wednesday, May 1, 2013