មរណៈដោយសារជំងឺគ្រុនចាញ់មុនកាលកំណត់បីឆ្នាំ

តាមសេចក្ដីប្រកាសព័ត៌មានរបស់ក្រសួង សុខាភិបាល និងអង្គការសុខភាពពិភពលោកកាលពីដើមសប្ដាហ៍នេះបានឲ្យដឹងថា កម្ពុជាសម្រេចគោលដៅអភិវឌ្ឍន៍សហស្សវត្សរ៍នៅឆ្នាំ២០១៥ ស្ដីពីការកាត់បន្ថយការស្លាប់ដោយសារជំងឺគ្រុនចាញ់ឲ្យមកនៅក្នុង អត្រា ០.៧៨នាក់ក្នុងចំណោមប្រជាជនចំនួន ១សែននាក់។

ក្នុងឆ្នាំ២០១១ អត្រាមរណភាពដោយសារជំងឺគ្រុនចាញ់នៅកម្ពុជា មានកម្រិត ០.៦៧នាក់ និង ០.៣២នាក់ ក្នុងឆ្នាំ២០១២។ នេះមានន័យថា កម្ពុជាបានសម្រេចគោលដៅនេះមុនពេលកំណត់ចំនួនបីឆ្នាំ។
ក្នុង ទិវាជំងឺគ្រុនចាញ់ពិភពលោក ថ្ងៃទី២៥ ខែមេសានេះ ម្ចាស់ក្សត្រីអាស្ទ្រីតនៃប្រទេសបែលហ្ស៊ិកនឹងចូលរួមជាកិត្តិយស ក្នុងការប្រកាសឲ្យប្រើគោលការណ៍របស់អង្គការសុខភាពពិភពលោកស្ដីពី វិធានការឆ្លើយតបបន្ទាន់ ដើម្បីទប់ទល់នឹងភាពស៊ាំនៃមេរោគគ្រុនចាញ់ជាមួយនឹងឱសថឈ្មោះ អាតេមីស៊ីនីននៅក្នុងមហាអនុតំបន់ទន្លេមេគង្គ ដែលនឹងប្រព្រឹត្ដទៅនៅរាជធានីភ្នំពេញ។
បើសិនជាគ្មានការ ទប់ស្កាត់ទេនោះ ភាពស៊ាំនេះនឹងអាចបណ្ដាលឲ្យមនុស្សចំនួន ២១៩លាននាក់ដែលឆ្លងជំងឺគ្រុនចាញ់នៅក្នុងពិភពលោកប្រឈមមុខនឹង ការគ្មានថ្នាំព្យាបាលដែលមានប្រសិទ្ធភាពជារៀងរាល់ឆ្នាំ៕ពី www.radioaustralia.net.au

Discussion

Photography

Sunday, June 16, 2013