បុរសម្នាក់ ចាប់បានសត្វចម្លែកមួយក្បាល មានរូបរាងស្រដៀង បង្កង ក្តាម ខ្យារដំរី

សត្វចម្លែកមួយប្រភេទ មិនធ្លាប់ជួបប្រទះ ពីមុនមក ត្រូវបានអ្នកភូមិម្នាក់ ប្រទះឃើញនៅលើស្លឹកត្នោត និង ចាប់បាន ដែលវាមានរូបរាង ដូចជាបង្កងបន្តិច ក្តាមបន្តិច និង ខ្យារដំរីបន្តិចផងដែរ នៅក្នុងប្រទេសម៉ាឡេស៊ី។
លោក Ismail Jusoh អាយុ ៤៩ឆ្នាំ មានការភ្ញាក់ផ្អើលជាខ្លាំង នៅពេលបានឃើញ សត្វចម្លែកមួយក្បាលនេះ ខណៈពេលរូបគាត់ ចូលទៅក្នុងព្រៃ ដើម្បីធ្វើការប្រមូលយក ស្លឹកត្នោត សំរាប់ទុកប្រើប្រាស់។ យ៉ាងណាមិញ គាត់បាននិយាយថា នៅរដ្ឋ Sarawak វាត្រូវបានគេហៅថា ngoang ហើយកម្រនឹងឃើញមានណាស់ ព្រោះជិតដាច់ពូជទៅហើយ។ ទោះជាយ៉ាងណា ពេលនេះ គាត់បានរក្សាវាទុកនៅក្នុងធុងទឹក របស់គាត់ ផងដែរ។
តើប្រិយមិត្តយល់យ៉ាងណាដែរ? សូមមើលរូបភាពខាងក្រោម៖


ដោយ សី
ខ្មែរឡូត